د کاري ځواک د مدیریت کولو په وړاندې ستونزی او حل لاری
توضیحات
دا مونوګراف بشپړ شوی او پروپوزل هم لري. تاسو کولی شئ د واتساپ له لارې موږ ته پیغام واستوئ ترڅو یې ترلاسه کړئ.
واتساپ: ۰۷۹۹۱۱۸۸۳۱
قیمت: ۱۵۰۰ افغانی
-------------------------------------------------------------------------------------------------
۱ .۱. سریزه
بشري منابع په خاصه توګه مهارت لرونکی بشري منابع دیو هیواد یا سازمان د پرمختګ لپاره یوه مهمه او ارزښتناکه شتمني ده. ټول سیاسي، اقتصادي، اجتماعي او کلتوري پرمختګونه دیو هېواد یا سازمان د کیفیت لرونکو بشري منابعو په شمیر پورې اړه لري. که یو هېواد په کافي اندازه فزیکي او مالي منابع ولري بدون د موثرې بشري قوې له موجودیت څخه دنوموړي هېواد اقتصادي پرمختګ نشي مطمئن کېدلی.
بشري منابع دیو سازمان لویه شتمني ده چې بدون له دې څخه دیو سازمان روزمره فعالیتونه لکه عامه خدماتو مدیریت کول،ارتباطات،اوله مشتریان سره معاملاتو نشی ترسره کیدلی
په ورته ډول آرمسترانګ له نظره بشري منابع د یو سازمان د افرادو مجموعه ده کوم چی سازمان ورڅخه تشکیل شوی یا هغه افراد، پرسونل یا کاري قوه کوم چې په سازمان کی د ورکړل شویو دندو ترسره کولو مسؤلیت دسازمان د اهدافو ترلاسه کولو لپاره په غاړه لري. نوځکه په یو هیواد یا سازمان کې د بشري منابعو مدیریت ته خاصه توجه وشي ځکه چی بشري منابع دیو هېواد یا سازمان پرمختګ باندی د پام وړ تاثیر اچوي.
د بشري منابعو مدیریت یوه پروسه ده چې په سازمان کې د خلکو دمدیریت کولو مسؤلیت لري او هدف یي دا دی ترڅو سازمان دهمدغې بشري قوې له لارې کامیابۍ ته ورسیږي او دسازمان مؤثریت او توانایي لوړه کړي.
د یو سازمان توانایي په دې معنی چې د خپلو موجوده منابعو په استعمال سره خپل اهداف تر لاسه کړي، د بشري منابعو مدیریت په سازمان کې یو( function)دی کوم چی په استخدام ،مدیریت او خلکو ته رهنمایي کولو باندې تمرکز کوي.
۱ .۲ . د څیړنې ستونزه
د بشري منابعو مدیریت یوه سازماني وظیفه ده کوم چی د افرادو سره مربوط موضوعاتو سره سروکارلري؛ لکه مکافات او مجازات، استخدام، کارکردګی مدیریت، د سازمان پرمختګ، دکارکوونکو تشویق، ګټې، ارتباطات او د کارکونکو له تریننګ سره. همدارنګه د Foot او Hook له نظره بشري منابعو مدیریت د مدیریت یو ډول دی کوم چی د بشري منابعو پلان، تنظیم، کنټرول تهیه او پرمختګ په غاړه لري ترڅو خپل ټاکل شوي اهداف ترلاسه کړي.
نو پورتنیو مختلفو تعریفونو ته په کتو سره داسې ویلی شو چې دبشري منابعو مدیریت په سازمان کی یو عملکرد څخه عبارت دی چی دخلکو له مدیریت کولو سره سروکارلري.
د سازمانونو د بریا او نه او بریا په برخلیک ټاکنه کې مدیریت تر ټولو اغېزمن عامل دی. مدیریت که د مارکېټنګ، عملیاتو ،شخړو ، تهیې، خرڅلاو، مالي، خطراتو او یا دېته ورته نورو هره برخه پورې تړاو ولري، بشري ځواکونه یې په سر کې قرار لري او په حقیقت کې همدا بشري ځواکونه دي چې سازمانونه د سکون له وضعیت څخه وباسي او په خوځښت یې راولي؛ یعنی همدا بشري قوه ده چې د تولید د نورو عواملو (کار ، پانګې او طبیعت ) دې ترکیب چارې پرمخ وړي د Peter Dracker په وینا چې ټولې سرچینې د انسان په لاس کې دي چې هغه ته وده او پرمختګ ورکړي. دنن ورځ د سیالی دکولو په شرایطو کې بشري سرچینې د سازمانونو د سیالي اصلي او اساسي منبع ده. او ګڼ شمېر بریالي سازمانونه او ادارات د خپلو بشري سرچینو له رقابتي ښېګڼو څخه استفاده کوي او په مارکېټ کې بریالیتوب تر څنګ خپلوسیالانو ته هم ماتې ورکوي.
دL.U.rwicks په وینا : سازمانونه په یوه اوږده موده کې د مالي پانګې، ټکنالوجی، مارکېټ، سیالانو او نورو لاملونو له کبله ماتې سره نه مخ کېږي، بلکې د خپلو کارکونکو (بشري ځواک) له لاسه د ماتې سره مخ کېږي.(۳۲:۱)
په ننۍ نړی کې د ټکنالوژۍ ګړندی پرمختګ، د څو ملیته شرکتونو وده، د سیالۍ سختوالی، سیاسي او اقتصادي تغیرات او پېچلتیاوې او داسې نور مختلف عوامل د دې سبب شوي دي چې د بشري سرچینو مدیریت اهمیت نور هم زیات شي.د بشري سرچینو د ورځ تر بلې زیاتېدونکي اهمیت سازمانونه اړ کړي دي چې په دې برخه کې پانګونو ته مخه کړي او جدي پاملرنه ورته وکړي. تر څو له دې لارې ځان د سیالۍ د کاروان سر ته ورسوي او ګټې ترلاسه کړي. له دې ارزښت لرونکې شتمنۍ څخه د سازمانونو برخمنتیا د دې سبب کېږي چې دچارو د پرمخ بېولو لپاره منظم پلان جوړ، پلی او له هغه څخه کنټرول وشي او د نوو وګړو دجذب پروسه په اغېزمنه توګه مخته لاړ شي، د روزنې په لګښتونو کې کموالی راشي ، په سازمانونو کې د منفي پایلو لرونکو شخړو اندازه کمه شي او داسې نورې زیاتې ښېګڼې لري.د بشري سرچینو مدیریت نه یواځې دا چې انتفاعي سازمانونو ته مهم او حیاتي بحث دی ، بلکې غیر انتفاعي سازمانونه او دولتي ادارو ته هم یو مهم بحث دی. د بشري سرچینو ګټور کارکول او دهغوی اغېزمن مدیریت کول د یو سازمان د بري لامل کېږي.
۱ .۳ .د څیړنې اهمیت
لکه څرنګه چه موضوع د کاري قوې د مدیریت په وړاندې د خڼډونو پېژندل او دهغه د حل لارې دي. چې په نتیجه کی به یې د بشري قوې د مدیریت په وړاندی خڼډونه معلوم کړل شي چې دا به د اړوندو ادارو سره د نوموړو خڼډونو په وړاندې د تدابیرو په نیولو کی مرسته وکړي. همدارنګه اړوند ادارې به د پالیسی په جوړولو او تصمیم نیولو کی ور څخه استفاده وکړي.
همدارنګه هغه کسان چه غواړي د دې موضوع مربوط موضوعاتو کی څېړنه وکړي دهغه لپاره به یوه منبع وي او له دې څخه به د ماخذ په توګه استفاده وکړي.
۱ .۴ . د څیړنې موخې
- د کاري ځواک د مدیریت اصلي ستونزې پېژندل.
- د سازمانونو د بشري منابعو د مدیریت د اوسني حالت ارزونه.
- د کارکوونکو د هڅونې او روزنې د کچې معلومول.
۱ .۵ . د څیړنې پوښتنې
- د کاري ځواک د مدیریت پر وړاندې تر ټولو عامې ستونزې کومې دي؟
- د روزنې، هڅونې او معاش نظام د کارکوونکو په مؤثریت څومره اغېز لري؟
- څنګه کولای شو د کاري ځواک د مدیریت د ښه والي لپاره عملي او دوامداره حل لارې رامنځته کړو؟
خلاصه تحقیق
نوموړې څېړنه چې د کاري ځواک د مهارولو/ مدیریت کولوپه وړاندې ننګونې او د هغه حل لارې تر عنوان لاندې تر سره شوې ده. د څېړنې عمومي هدف د کاري قوې د مدیریت کولو په وړاندې د ننګونو)ستونزو( څېړل دي. دا یوه کمي چې د دوهمي ډاټا څخه استفاده پکې شوې ده، دوهمي ډاټا له مختلفو کتابونو، اړوند ډاکمنټونو، مقالو او انټرنېټي سایټونو څخه تر لاسه شوې ده.د څېړنې د موندنو په آساس په سازمانونو کی د بشري سرچینو د مدیریت پلان وجود لري مګر په پوره ډول د ټاکل شویو معیارونو په آساس او په خپل وخت نه دی عملي شوی
اشتراکگذاری:
